هتتجوزي مهران ابن عمك الليلة والدخله هتبقى بلدي عشان اهل البلد يعرفوا انك شريفه.
حوريه بصت ل امها بصدمة ولقت مرات عمها داخله الاوضه وبتقول بشماته: جهزي نفسك يا عروسه.. بيكتبوا كتابك على ابن عمك تحت.. هتتجوزي مهران ابني كبير البلد كلها.
حوريه قعدت تبكي بحزن وامها ومرات عمها خرجوا من الاوضه وسابوها لوحدها
بعد شويه لقت باب الاوضه اتفتح ودخل مهران ابن عمها
ارتجفت اول لما شافته وهو بيقرب منها بملامحه الحاده وقال بصرامه: انتي قاعده عندك بتعملي ايه.. قومي جهزي نفسك وانقلي هدومك وحاجتك في الجناح بتاعي.
حورية جففت دموعها ووقفت قصاده وقالت بتحدي: انا مش هنقل حاجتي لأي مكان.. ومش هسيب اوضتي.. انا معملتش حاجة غلط عشان تعاقبوني.. انا مظلومة يا مهران.. وكل الكلام اللي اتقال في حقي ده كدب.. أخوك هرب قبل كتب الكتاب عشان هو ندل وجبان.. مش عشان غلط معايا وشاكك في شرفي زي ما قال.
هز راسه بسخرية: هنعرف الليلة دي اذا كان الكلام اللي اتقال كدب ولا لا.. انا وقفت قدام العيلة كلها ودافعت عنك يا حورية.. وعشان اثبت برائتك لازم الدخله تبقى بلدي.. ولو انتي خايفه من حاجة.. عرفيني من دلوقتي.
حوريه بصت له بوجع وقالت: هتندم على كلامك ده يا مهران.. كلكم هتندموا وانا مش هسامح حد فيكم.
واتحركت قدامه وقالت: انا هسبقك على الجناح بتاعك.. بس لما تتأكد بنفسك ان انا شريفه ومفيش حد لمسني.. تطلقني يا ابن عمي.
مهران بص لها بصدمة وحوريه اتحركت بسرعه وراحت علي الجناح بتاع مهران وقعدت على السرير تبكي.
بعد كام ساعة مهران دخل الجناح بتاعه وقفل الباب عليهم.
جسمها كله كان بيرتعش ومهران بيقرب منها ووقف قدامها وقال: الرجاله مستنين تحت.. ابوكي عايز يطمن ويرفع راسه قدام الناس...